Labour Law Reforms | कामगार कायद्यातील सुधारणा
१ वर्षे काम केल्यावर सुद्धा मिळणार Gratuity. केंद्र सरकारच्या Labour Law Reforms – कामगार कायद्यातील सुधारणा अनुसार आता तुम्हाला १ वर्षे काम केल्यास सुद्धा मिळणार ग्रॅच्युइटी.
चला तर जाणून घेऊयात काय आहेत कामगार कायद्यातील मुख्य सुधारणा? आणि हे नियम कोणत्या कामगार वर्गासाठी लागू होणार?
केंद्रीय कामगार मंत्री मनसुख मांडवीया यांनी सोसिअल मीडिया प्लॅटफॉर्म्स वर या कायदेसुधारणेविषयी माहिती दिली आहे.
त्यांनी दिलेल्या माहितीनुसार संबंधित नियम हे २१ नोव्हेंबर २०२५ पासून संपूर्ण देशात लागू होणार आहेत.
काय आहेत कामगार कायद्यातील सुधारणा?
- Fixed Term Employee असणाऱ्या प्रत्येकाला १ वर्षे काम केल्यास सुद्धा ग्रॅच्युइटी मिळणार आहे.
- इतकेच नाही तर वेळेवर किमान वेतन मिळणे आणि तरुणांसाठी नियुक्ती पत्र जाहीर करणे बंधनकारक करण्यात आले आहे.
- यामध्ये विशेष स्त्री शक्तीला प्राधान्य देण्यात आले आहे. त्यांना देखील स्थानिक कर्मचाऱ्यांप्रमाणे समान वेतन देण्याचा निर्णय घेण्यात आला आहे.
- इतकेच नाही तर कामगार कामाच्या वेळेच्या अतिरिक्त म्हणजे ओव्हरटाईम करत असल्यास त्यांना त्या वेळेचा दुप्पट मोबदला मिळणार आहे.
- जोखमीच्या ठिकाणी म्हणजेच प्रोडक्शन फॅक्टरी सारख्या ठिकाणी काम करणाऱ्या कामगारांना जीवन सुरक्षेची १००% हमी या नियमांमध्ये देण्यात आली आहे.
- ४० वर्षे वरील कामगारांना मोफत आरोग्य तपासणीची हमी देखील देण्यात आली आहे.
तब्बल ४० कोटी कामगारांना याचा फायदा होणार असल्याचे सांगण्यात येत आहे.
Fixed Term Employee म्हणजे काय?
Fixed Term Employee म्हणजे असा कर्मचारी ज्याची नोकरी ठराविक कालावधीसाठी दिली जाते. या कालावधीला Fixed Term Contract म्हणतात.
- कंपनी आणि कर्मचारी यांच्यात एक करार (Contract) केला जातो.
- त्या करारात नोकरीची सुरुवातीची तारीख आणि शेवटची तारीख आधीच ठरलेली असते.
- करार संपला की नोकरीही आपोआप संपते (renew केल्यास पुढे सुरू होऊ शकते).
Gratuity (ग्रॅच्युइटी) म्हणजे काय?
Gratuity ही एक सेवानिवृत्ती लाभाची रक्कम आहे जी कंपनी आपल्या कर्मचाऱ्यांना त्यांच्या दीर्घ सेवेसाठी कृतज्ञता (Gratitude) म्हणून देते.
कंपनीत 5 वर्षे किंवा त्यापेक्षा जास्त काळ काम केलेल्या कर्मचाऱ्यांना मिळणारी एक अतिरिक्त रक्कम म्हणजे ग्रॅच्युइटी.
पण Fixed Term कर्मचाऱ्यांसाठी आता ही मुदत ५ वर्षांवरून १ वर्षे करण्यात आलेली आहे.
आणखी वाचा – Domicile Certificate म्हणजे काय?
तर मंडळी तुमच्यापैकी कोणीही Fixed Term Employee पद्धतीने काम करत असाल तर आजच ह्या नियमांची माहिती स्वतःला करून घ्या.
आणखी माहिती मिळवण्यासाठी सरकारी संकेतस्थळांना भेट द्या आणि सविस्तर माहिती मिळवा.
